Երեքշաբթի, 22 Մայիսի, 2018

Երևանի ավագանու քիմիկոս անդամը վերլուծել է քաղաքապետարան բերված կեղտաջրի բաղադրությունը

Lragir.am
Ներքին կյանք - Երեքշաբթի, 13 Փետրվարի 2018, 15:10


Երևանի ավագանու ՀՀԿ-ական անդամ Հասմիկ Սարգսյանն ավագանու նիստում հայտարարեց, որ որպես քիմիկոս կարող է հստակ ասել՝ «Երկիր ծիրանի» խմբակցության անդամների կողմից քաղաքապետարան բերված նյութը կոյուղաջուր չէր:

«Ոչ թե կոյուղաջուր էր, այլ պարունակում էր H2S, ինքը թթու էր: Եթե կեղտաջուր լիներ, մենք այս շնչառական խնդիրները չէինք ունենա: Շատերը մեր գործընկերուհիներից սրտթափոց ունեցան, մեր ավագանիներից մեկը գտնվում է վերակենդանացման բաժնում, որովհետև սրտի խնդիր ունեցավ: Այսինքն՝ ձեր քայլը ես կվերագրեմ ահաբեկչություն երևանցու նկատմամբ՝ կյանքին ու առողջությանը վտանգ սպառնացող»,- ասաց նա:

Այնուհետև Հասմիկ Սարգսյանն ավագանու անդամներին կոչ արեց. «Սատանայական ուժին կկարողանանք մեր դրախտային կերպարանքով, Աստծո կողմից մեզ տրված շնորհքով դիմակայել ու աշխատել ի նպաստ երևանցու»:

© 2005 - 2016 Բոլոր իրավունքները պաշտպանված են ՀՀ օրենսդրությամբ:
© 2005 - 2016 Մտահղացումը եւ ձեւավորումը Saratikyan.com