Երեքշաբթի, 22 Մայիսի, 2018

Մարզային հիվանդանոցների արդիականացումը շարունակվում է

Lragir.am
Ներքին կյանք - Երեքշաբթի, 13 Փետրվարի 2018, 19:24


Արտաշատի բժշկական կենտրոնի հիվանդանոցային մասնաշենքի արդիականացման աշխատանքները մեկնարկել են 2016թ. հունիսին։

Մարզային հիվանդանոցների արդիականացման ծրագրի շրջանակում նախատեսված է 2018թ. աշնանն ավարտին հասցնել շուրջ 7000ք/մ տարածքի հիմնանորոգման, ժամանակակից սարքավորումներով, բժշկական կահույքով և պարագաներով հագեցման աշխատանքները։  

2017թվականին շինարարական աշխատանքները շարունակվել և նախատեսված ծավալներով իրականացվել են։ 

Նույն ծրագրի շրջանակում Գեղարքունիքի մարզում 2016թ. օգոստոսին մեկնարկել է Սևանի բժշկական կենտրոնի հիվանդանոցային նոր մասնաշենքի կառուցումը։  Այստեղ ևս անցած տարվա համար նախատեսված աշխատանքները 100%-ով իրականացվել են։ Սևանի բժշկական կենտրոնի նոր մասնաշենքի կառուցման ավարտը ևս նախատեսված 2018թ. աշնանը։

ՀՀ առողջապահության նախարար Լևոն Ալթունյանը տեղերում հետևել է շինարարական աշխատանքների ընթացքին։ Նա հանձնարարականներ է տվել այս հիվանդանոցների շահագործման հանձնելը ժամանակին ապահովելու ուղղությամբ, տեղեկացնում են ԱՆ-ից։ 

© 2005 - 2016 Բոլոր իրավունքները պաշտպանված են ՀՀ օրենսդրությամբ:
© 2005 - 2016 Մտահղացումը եւ ձեւավորումը Saratikyan.com