Երկուշաբթի, 11 Դեկտեմբերի, 2017

Բուֆոնը հնարավոր է դառնա Իտալիայի սպորտի նոր նախարար

Lragir.am
Սպորտ - Հինգշաբթի, 12 Հոկտեմբերի 2017, 10:08


Իտալացի արվեստագետ և գրող Վիտորիո Սգարբին հայտարարել է, որ ընտրություններում իր «Վերածնունդ» քաղաքական կուսակցության հաղթանակի դեպքում Թուրինի «Յուվենթուս»-ի և Իտալիայի հավաքականի 39-ամյա դարպասապահ Ջանլուիջի Բուֆոնը կդառնա երկրի սպորտի նոր նախարարը: «Եթե մենք հաղթենք ընտրություններում, ապա Բուֆոնը կլինի Իտալիայի սպորտի նոր նախարար:

Ջանլուիջին հավասարակշռված մարդ է, ով հանդես է գալիս ազգային հավաքականում և մոտ ապագայում կավարտի կարիերան: Նա հետաքրքրվում է արվեստով և քաղաքականությամբ: Բուֆոնը հետաքրքրություն է ցուցաբերել առաջարկին, որը ներկայացրել է մեր կուսակցությունը: Նա այդ մասին գրել է ինձ: Բուֆոնի հետ եղել եմ գեղարվեստական ցուցահանդեսում, որտեղ նա տեղեկացրել է իր աջակցության մասին»,- ինչպես փոխանցում է «Արմենպրես»-ը, Սգարբիի խոսքն է մեջբերել Football Italia-ն:   

© 2005 - 2016 Բոլոր իրավունքները պաշտպանված են ՀՀ օրենսդրությամբ:
© 2005 - 2016 Մտահղացումը եւ ձեւավորումը Saratikyan.com